Успаміны з 1999 г.

1. Польшчa. У першай палове 1999 г. ад 31 кастрычніка 1997 года, пасля прам’ер-міністра У. Цімашэвіча, прэм’ер-міністрам быў Ежы Бузэк з Акцыі Выбарчай ,,Салідарнасць”. Пры ім ужо ў першай палове 1999 г. павялічылася беспрацоўе ў Польшчы з 10,4% у снежні 1998 г. да 11,6 % у чэрвені 1999 г. і паменшылася інфляцыя з 11,6 % у 1998 г. да 7,3 % у канцы 1999 г. Сярэдні заробак да снежня 1999 г. узрос з 1239 зл. да 1707 злотых, пры курсе амерыканскага долара пры канцы чэрвеня роўным 3,9164 зл. за долар. Аднак натуральны прырост насельніцтва паменшыўся з 0,5 праміля ў 1998 г. да 0,0 праміля ў 1999 г. толькі дзяцей нарадзілася, колькі людзей памерло.

У 1999 годзе было невялікае далейшае аслабленне гаспадарчай дынамікі ў Польшчы. Згодна са статыстыкай айчынняная прадукцыя вырасла толькі на 4,1% у параўнанні да 1998 года, калі яна вырасла на 4,7 % у 1998 годзе. Ды узрост быў большы, чым у дзяржавах на ўсходзе і поўдні Польшчы. Аднак прадукцыя праданая ў 1999 годзе вырасла на 4,3 %, а ў 1998 годзе толькі на 3,5 %. Цэны тавараў выраслі на 9,8 %, дзяржава не атрымала планаванага даходу. Налічваў ён толькі 125,8 мільярдаў зл. – 97,3 % планаванага даходу. 34% прадпрыемстваў мелі страты. Сярэдняя пенсія пенсіянераў налічвала 873 злотых.

1 студзеня ўвайшоў новы адміністрацыйны падзел дзяржавы. Было ўжо толькі 16 ваяводстваў з назвамі рэгіёнаў і ў ваяводствах вярнуліся паветы. Ваяводствам кіраваць стаў ваявода, а паветам – стараста. Закончылі першую праграму рэформы чатырох праграм з запланаваных урадам Бузка: адміністрацыйнай, асветнай (паўсталі гімназіі і ліцэі), здароўя (паўсталі Касы Хворых) і пенсійнай (паўстаў Адкрыты Пенсійны Фонд –  OFE).

1 студзеня сяляне пачалі рабіць блакады дарог, пратэстуючы супраць вельмі нізкім цэнам на сельскія прадукты.

10 студзеня прайшоў VII фінал Вялікага Аркестра Святочнай Дапамогі.

19 студзеня быў створаны Інстытут Народнай Памяці.

21 студзеня Сейм прыняў закон аб сеймавай следчай камісіі.

22 студзеня Сейм прыняў закон аб ахове няяўных інфармацый.

8 лютага ўрад дагаварыўся з часткай сялянскіх арганізацый, блакаваўшых дарогі, аднак Андрэй Лепэр, кіраўнік Самаабароны, адкінуў гэты дагавор.

17 лютага Сейм упаўнаважыў прэзідэнта Аляксандра Кваснеўскага ратыфікаваць Паўночнаатлантычны Трактат.

19 лютага пачаліся забастоўкі працаўнікоў медыцыны.

23 лютага прэм’ер-міністр Ежы Бузэк падпісаў ратыфікацыйны акт аб уваходзе Польшчы ў НАТА.

12 сакавіка Польшчу прынялі ў НАТА.

30 сакавіка прэзідэнтам Варшавы стаў Павел Піскорскі.

31 сакавіка ў рэстаране ,,Гама” ў Варшаве згінула ў страляніне 5 гангстараў.

15 красавіка паўстала партыя Саюз Левых Дэмакратаў.

15 красавіка пачалася ў Польшчы прадукцыя аўтамашыны Паланез-комбі.

16 красавіка прыехаў з візітам у Камень-Зомбкавіцкі прэм’ер-міністр Швецыі Геран Персона, каб адкрыць нядаўна збудаваны пасёлак з 32 аднасямейных дамоў для пацярпеўшых ад паводкі. Пасёлак назвалі імем Баляслава Хробрага.

21 мая Сейм прыняў закон аб зброі і амуніцыі.

30 мая ў Варшаве адкрылі Помнік Бітвы пад Монтэ-Касіна.

5 чэрвеня прыляцеў з візітам з Ватыкана папа рымскі Ян Павел ІІ, быў у Польшчы да 17 чэрвеня.

19 чэрвеня ў Катавіцах адкрылі помнік Вайцеху Карфантаму.

 

Беларусь

Фінансавы крызіс ў Расіі моцна адбіўся на гаспадарцы Беларусі, аб чым я пісаў раней. Нават малаверагодная статыстыка Беларусі падае, што прырост ВУП з 8,4% у 1998 годзе ўпаў да 3,4% у 1999 годзе, а курс беларускага рубля ў снежні 1998 года з 30 тыс. рублёў за амерыканскага долара па афіцыйным курсе павысіўся да 220 тыс. рублёў за долар, а 1 студзеня 1999 г. ён каштаваў 320 тысяч рублёў. А ў студзені 2000 года 1 амерыканскі долар каштаваў ужо 1 міліён беларускіх рублёў. А былі яшчэ неафіцыйныя курсы валют, дзе долар каштаваў намнога больш. Пачаўся абмен купюр на новыя купюры. У красавіку Нацбанк выпусціў купюру ў 1 міліён рублёў. Мінімальная зарплата вырасла да міліёнаў рублёў, дык усе беларусы сталі міліянерамі. Старыя купюры ў 100, 200, 500 рублёў сталі няважнымі, нават банк іх не прымаў. Па беларускай статыстыцы ў студзені сярэдні заробак у Беларусі налічваў 897 850 рублёў, а ў чэрвені – 19 061 799 рублёў.

29 студзеня пачаўся канфлікт з Газпромам у Расіі, які аб’явіў, што на 12% абніжае пастаўку газа на Беларусь, бо не згаджаецца, каб Беларусь плаціла за газ па ўнутраных расійскіх цэнах, бо Беларусь разлічвалася бартэрам, а не валютай.

З 16 па 23 лютага прайшоў у Беларусі перапіс насельніцтва. Выказаў ён, што ў Беларусі жыве 10 міл. 69 тыс. жыхароў, што радзілася 92 975дзяцей, а памерла 142 027 дюдзей. Больш людзей памерла, чым нарадзілася дзяцей.

1 сакавіка паўстаў Эканамічны факультэт Беларускага дзяржаўнага ўніверсітэта.

У красавіку па загаду прэзідэнта А. Лукашэнкі стварылі праект дагавору аб аб’яднанні дзвюх дзяржаў у адну саюзную дзяржаву, якую прапанавалі назваць ССР – Саюз Суверэнных Рэспублік. Гэты праект хацелі перадаць у Маскву. Згодна з праектам кожная дзяржава захоўвала свой суверэнітэт за выключэннем замежнай палітыкі, абароны, бяспекі, бюджэтна-грашова-крэдытных спраў, падаткавай сістэмы, мытных спраў, энергетыкі, транспарту і сувязі. Іх мелі перадаць Саюзу. Дзяржаўнымі органамі ССР прапанавалі стварыць Найвышэйшы Савет, парламент, урад, банк, суд, Найвышэйшы Савет меў падпісваць саюзныя законы,зацвярджаць ваенную дактрыну і замежныя дагаворы, тварыць Савет бяспекі і наднацыянальныя органы кіравання, вызначаць даты выбараў у парламент Саюза і так далей. Перад сустрэчай з прэзідэнтам Расіі Б. Ельцыным, калі меў перадаць яму гэты праект, А. Лукашэнка заявіў, што ,,сегодня в России тормозится практически всё”. ,,Просто невозможно что-либо решить в России. Именно поэтому и именно в этом ключе я хочу откровенно побеседовать с Борисом Николаевичем”, абураўся А. Лукашэнка. Відаць Б. Ельцын не згадзіўся нават разглядваць гэты праект.

30 мая многа жыхароў Мінска выйшла на бераг ракі Свіслачы на свята піва і канцэрт групы ,,Манга-Манга”. Пачаўся праліўны дождж з моцным градам. Дзве і паўтысячы маладых людзей кінуліся схаваца ад непагоды ў падземным пераходзе метро. Ад ціску згінула 53 асобы: 40 дзяўчын, і двух міліцыянераў. Больш чым 150 асоб было параненых.

Бамбёжка самалётамі ЗША і НАТА Югаславіі за атакі міліцыі Югаславіі ў Косаве супраць албанскіх паўстанцаў-тэрарыстаў вызвала бурную рэакцыю ў Беларусі. У Бялград з Беларусі ехалі канвоі з гуманітарнай дапамогай. Прэзідэнт А. Лукашэнка, выступаючы перад дэпутатамі парламента, заявіў, што пачаўся новы падзел свету, а ракетна-бамбавыя ўдары НАТА паказваюць праўдзівую мэту заходніх дэмакратаў, якія прынялі злачыннае права караць іншыя нацыі.

9 красавіка старшыня Дзяржаўнай Думы Расіі Генадзій Селязнёў вярнуўся з Югаславіі і аб’явіў Б. Ельцыну просьбу Слабодана Мілошавіча далучыцца да саюза Расіі і Беларусі ,,Гэты саюз мажлівы, бо нават тыя аргументы, якія былі ў нейкіх людзей, што ў нас няма супольнай мяжы з Югаславіяй не з’яўляюцца важнымі” – заявіў Селязнёў, падаючы прыклад ЗША і штата Аляскі. Некалькі дзён пасля заяўлення Селязнёва ў Бялград з рабочым візітам паляцеў А. Лукашэнка. Калі вярнуўся, то заявіў, што адказ на просьбу Югаславіі будзе ,,ўмеркаваным”. ,,Мы будем рассматривать эту просьбу и решать этот вопрос не завтра и послезавтра, а в течение какого-то времени”. Аднак вайна закончылася распадам Югаславии, НАТА силай адарвала ад Югаславии Косава и стварыла з Косава незалежную дзяржаву, дзе ЗША мае сваю ваенную базу. І праблема загінула.

Дэпутаты Вярхоўнага Савета XIIІ склікання, якія не прызналі сфальшаванага А.Лукашэнкам рэферэндуму 1996 года і якія працягвалі працу гэтага парламента пасля канстытуцыйнай рэформы 1996 г. і апазіцыя да прэзідэнта А. Лукашэнкі пастанавілі правесці выбары прэзідэнта згодна са старой канстытуцыяй 1994 года, якія мелі быць 20 ліпеня 1999 года. Выбары былі арганізаваны ва ўмовах двоеўладдзя. Згодна са сфальшаваным А.Лукашэнкам рэферэндумам 1996 г. выбары прэзідэнта мелі быць у 2001 годзе. Частка дэпутатаў Вярхоўнага Савета XIII склікання, спасылаючыся на рашэнне Канстытуцыйнага Суда, прызнала пастановы А. Лукашэнкі беззаконнымі і прымаючы за важную канстытуцыю Беларусі з 1994 года пастанавілі з галоўнымі дэмакратычнымі партыямі і арганізацыямі Беларусі самастойна правесці выбары прэзідэнта Беларусі ў 1999 годзе, 5 год па выбарах Лукашэнкі. Кандыдатамі ў выбарах былі былы прэм’ер- міністр Беларусі Мікалай Чыгір і кіраўнік Народнага Фронту Зянон Пазняк, які тады быў на эмігацыі ў Польшчы. Падрыхтаванне да выбараў і выбары прайшлі, ды праходзілі яны пры рэпрэсіях улад супраць арганізатараў. Чыгір быў арыштаваны на пачатку падрыхтоўкі да выбараў, кіраўнік Цэнтральнай Выбарчай Камісіі Віктар Ганчар быў два разы арыштаваны і некалькі месяцаў пасля выбараў 16 верасня быў захоплены бандытамі насланымі, як упэўнены яго жона і апазіцыя, А. Лукашэнкам і бясследна загінуў. Ён вяртаўся тады машынай з бізнесменам Анатоліем Красоўскім з бані. Затрымалі іх на вуліцы дзве машыны, выцягнулі іх з машыны праз выбітыя вокны з машыны і яны загінулі бясследна.У сувязі з тым, што арганізатары не маглі стварыць нармальных пакояў для галасавання, яны хадзілі з выбарчымі скрынкамі між галасуючых па кватэрах. Зянон Пазняк адмовіўся ад кандыдавання раней, бо гразіў яму арышт, калі вярнецца ў Беларусь.

Ганчар падаў, што брала ўдзел у галасаванні 53% жыхароў Беларусі. Выбары былі важныя, толькі не было пераможцы. У сувязі з тым, што Вярхоўны Савет не меў рэальнай улады ў Беларусі, бо не меў кворуму, таму гэтыя выбары мелі характар палітычнай выбарчай кампаніі і не выбралі новага прэзідэнта.

Вялікай стратай для апазіцыі была нечаканая смерць 6 красавіка намесніка старшыні Вярхоўнага Савета 13 склікання Генадзія Карпенкі. Жонка Генадзія Карпенкі і апазіцыя ўпэўнены, што бандыты насланыя А. Лукашэнікам памаглі яму памерці, бо рана выходзіў з дома здаровы і не хварэў, а ён карыстаўся вялікім аўтарытэтам і мог бы стаць прэзідэнтам Беларусі. 7 мая недалёка ад уласнага дома прапаў бяз следу экс-міністр унутраных спраў генерал-маёр Юры Захаранка. Лічаць, што і яго бандыты насланыя А.Лукашэнкам забілі і цела схавалі. А следствы нічога не выкрылі. Так А. Лукашэнка ліквідаваў сваіх грозных сапернікаў на пасаду прэзідэнта Беларусі, якой трымаецца кіпцюрамі і не хоча нікаму аддаць.

 

Расія

1 студзеня выйшаў закон ,,Аб дзяржаўнай дактыласкапійнай рэгістрацыі ў Расійскай Федэрацыі”. Грамадзяне Расіі, якія маюць 18 год, маюць мажлівасць пісьмова звярнуцца ў пашпортна- візавую службу органаў унутраных спраў, там дзе жывуць, каб стаць на дыкталаскапійны ўлік.

17 студзеня ля будынка пасольства ЗША ў Маскве выбухла аўтамашына ВАЗ-2106. Ніхто не быў паранены.

10 лютага ад страшнага пажару ў Самарскай ГКУС згінула 57 асоб, а больш чым 200 асоб было эвакуіраваных.

20 лютага наступіў старт касмічнага карабля Саюз ТМ-29 з касманаўтамі старта Віктарам Афанасьевым, франзузскім касманаўтам Жан-Пьерам Эньерэ і славацкім касманаўтам Іванам Белам.

28 лютага прызямліўся касмічны карабель Саюз ТМ-28 з касманаўтам Генадзіем Паладкам і славацкім касманаўтам Іванам Белам.

5 сакавіка ў Санкт-Пецербурзе быў парафаваны ,,Дагавор аб усталяванні дзяржаўнай граніцыі аб разгранічэнні акваторый між Расійскай Федэрацыяй і Эстонскай Рэспублікай”.

28 сакавіка ў Маскве ля пасольства ЗША прайшоў мітынг супраць бамбёжкі авіацыяй ЗША Югаславіі. Падчас мітынгу нехта абстралялў з гранатамёта будынак пасольства, выбіў шкло ў вокнах і абрызгаў будынак каляровай фарбай.

28 сакавіка з Ціхага акіяна з марской плывучай платформы ,,Адысея”, якая знаходзілася 2250 кіламетраў на поўдзень ад Гавайскіх астравоў, была выпушчана ракета ,,Зеніт-3SL”, якая вывела на арбіту Зямлі макет спутніка сувязі,,Дэма-Сэт”.

2 красавіка на граніцы Таджыкістана і Афганістана разбіўся расійскі верталёт Мі-8.

3 красавіка разбіўся баявы самалёт Мі-24 ў Дагестане. Згінула 3 асобы з экіпажа самалёта.

4 красавіка ад тэрарыстычнага выбуху бомбы ля будынку ФСБ у Маскве згінулі два міліцыянеры.

5 красавіка ў Маскве згарэў будынак Міністэрства транспарту. Ахвяр не было.

24 красавіка наступілі выбухі бомб у Екацерынбурзе на вул. Гогаля ля будынкаў генеральных консульстваў ЗША і Вялікабрытаніі, вылецелі толькі аконныя шыбы ў будынках. Ахвяр не было.

15 мая ў Дзяржаўнай Думе Расіі прайшоў імпічмент з мэтай адстаўкі Барыса Ельцына з пасады прэзідэнта Р.Ф. Дэпутаты аднак не набралі патрэбных 300 галасоў ні па аднаму з пяці пунктаў яго абвінавачвання. За прызнанне яго вінаватым за падпісанне Белавежскіх дагавораў і за развал СССР прагаласавала 240 дэпутатаў, супраць – 72. Вінаватым прызналі яго за трагічныя здарэнні восеннню 1993 года 263 дэпутатаў, супраць галасавала 60 дэпутатаў. Вінаватым за развязанне вайны ў Чачні прызналі яго 283 дэпутатаў, а сураць галасавала 43 дэпутатаў. Прызналі яго вінаватым за развал арміі 241 дэпутатаў, а супраць галасавала 77. У генацыдзе расійскага народа абвінавачвала прэзідэнта 238 дэпутатаў, а супраць было 88.

16 мая ў Паўночнай Асетыі ва Уладзікаўказе ў ваенным гарадку, дзе жылі афіцэры 58 арміі, наступілі тэракты. Выбухі бомб разбурылі 18 кватэр, а 60 кватэр было пашкоджаных. Згінула 4 асобы, а 9 было параненых.

19 мая Дзяржаўная Дума РФ прыняла закон, які змяняў назву горада Ноўгарад на Вялікі Ноўгарад.

12 чэрвеня батальён рускіх дэсантнікаў выляцеў з базы ў Босніі і Герцагавіны і захапіў у Косаве перад войскамі НАТА аэрадром ,,Слатына”.

28 чэрвеня выбух на аўтобусным прыпынку ва Уладзікаўказе ў Паўночнай Асетыі параніў 12 асоб.

 

Іншыя дзяржавы

1 студзеня ў Еўрасаюзе ўвялі супольную валюту еўра.

3 студзеня НАСА выпусціла ў кірунку Марса зонд Марс Поляр Ляндэр.

3 студзеня ў няўдалым бомбавым замаху на прэм’ер-міністра Пакістана Наваза Шарыфа каля яго рэзідэнцыі згінула 4 асобы.

10 студзеня на прэзідэнцкіх выбарах у Казахстане зноў быў выбраны прэзідэнтам Н. Назарбаеў, які атрымаў больш чым 80% галасоў.

13 студзеня ў катастрофе амерыканскага самалёта Боінга 707 у Гайленкірхене згінула 4 асобы.

15 студзеня згінула 45 асоб у Косаве ў Рычаку ў канфлікце між югаслаўскай паліцыяй і албанскімі сепаратыстамі.

18 студзеня на парламенцкіх выбарах на Грэнадзе кіруючая Новая нацыянальная партыя ( ННП) атрымала ўсе месцы ў парламенце. Лідэр ННП Кіт Мітчэл стаў прэм’ер-міністрам дзяржавы.

24 студзеня ў Калумбіі прайшоў моцны землятрус, у якім згінула больш чым 1100 асоб, больш чым 3000 асоб было параненых.

2 лютага Уга Чавес стаў прэзідэнтам Венесуэлы.

6 лютага – 19 сакавіка ў Рамбуйе з удзелам прадстаўнікоў дзяржаў членаў Кантактнай групы па былой Югаславіі (Вялікабрытанія, Італія, Расія, ЗША, Францыя, ФРГ) прайшлі перагаворы паміж варожымі бакамі ў Косаве. Яны не дайшлі да згоды і перагаворы былі спынены.

7 лютага каралём Іарданіі стаў Абдала ІІ ібн Хусейн.

10 лютага Савет Бяспекі ААН прыняў рэзалюцыю №1227 у сувязі з пагранічным канфліктам між Эрытрэяй і Эфіопіяй. Савет Бяспекі пажадаў хутка закончыць баі і пачаць дыпламатычныя перагаворы і кончыць канфлікт.

15 лютага туркі схапілі ў Кеніі курдыйскага важака Абдулаха Акаляна і перавезлі яго ў турму ў Турцыю.

16 лютага ў Ташкенце ў Узбекістане згінула16 асоб, а 130 было параненых ў 6-ці бомбавых замахах.

17 лютага ў Берліне застралілі 3 курдаў, калі яны падчас дэманстрацыі хацелі ўварвацца ў ізраільскае пасольства.

23 лютага ад лавіны на аўстрыйскім лыжным курорце Галцюры згінула 31 асоба.

24 лютага ў катастрое кітайскага самалёта ў Вензбоў згінула 61 асоба.

6 сакавіка Хамад ібн Іса аль-Халіфа стаў эмірам Бахрэйна.

7 сакавіка на прэзідэнцкіх выбарах у Сальвадоры перамог Франціска Гільерма Флорэс.

12 сакавіка Венгрыя, Польшча і Чэхія ўступілі ў НАТА.

21 сакавіка пасля 478 гадзіннага палёта на паветраным шары Бертран Пікар і Браян Джонс сталі першымі, якія на паветраным шары абляцелі Зямлю.

22 сакавіка парламент Эстоніі выбраў кансерватыўнага палітыка Марта Лаара новым кіраўніком дзяржавы.

24 сакавіка НАТА пачало ваенную аперацыю супраць Югаславіі, парушыўшы свой уласны статут НАТА, бо войска НАТА ўвайшлі ў суверэнную дзяржаву, якя нікому не гразіла і якой ніхто не гразіў. Самалёты ЗША і НАТА бамбілі Югаславію да 10 чэрвеня.

24 сакавіка ў пажары ў Манбландскім тунэлі згінула 38 асоб.

25 сакавіка згінуў лідэр Народнага Руха Украіны Вячаслаў Чарнавол.

27 сакавіка падчас налёту на Югалавію сербы збілі амерыканскі бамбадзіроўшчык Локхід Ф-117 Найтхаўк.

3 сакавіка самалёты НАТА бомбамі знішчылі Мост Свабоды на Дунаі ў Новым Садзе ў Югаславіі.

4 красавіка ад урагана ў Паўднёва-Заходняй Луізіане ( ЗША ) згінула 6 асоб і больш чым 100 асоб было параненых.

6 красавіка ў Канадзе працаўнік, якога звольнілі з працы, прыйшоў на яе са зброяй. Забіў 4 асобы і 10 параніў і сам сябе застрэліў.

7 красавіка разбіўся турэцкі самалёт Боінг -737, які выляцеў з Адану ў Саўдаўскаю Аравію. Згінула 6 асоб з экіпажа самалёта.

14 красавіка ад бомб НАТА згінула ў Косаве ў канвоі ў бамбёжцы 75 албанцаў.

20 красавіка двое падросткаў са школы ,,Калумбайн” у ЗША (Каларада) прыйшлі ў школу са зброяй і застралілі 12 вучняў і настаўніка і саміх сябе. 24 вучнаў паранілі.

27 красавіка Грузія стала 41-м членам Савета Еўропы.

29 красавіка самалёты НАТА разбурылі тэлекамунікацыйную вежу Авалу ў Бялградзе.

2 мая югаславяне збілі амерыканскі самалёт Ф-16.

7 мая ад бомб НАТА ў Бялградзе, папаўшых у кітайскае пасольства, згінула 3 кітайскіх працаўнікоў.

7 мая папа рымскі Ян Павел ІІ першы раз быў з візітам у праваслаўнай дзяржаве ў Румыніі.

17 мая прэм’ер-міністрам Ізраіля стаў Эхуд Барак.

24 мая ад выбуху газа ў шахце ў Данбасе на Украіне згінула 41 шахцёраў. Прычынай выбуху была сапсаваная вентыляцыя.

26 мая пачалася Каргільская вайна між Індыяй і Пакістанам, якая закончылася 26 ліпеня.

27 мая пачаўся 94 старт (STS-96) па праграме Спейс Шатл і 26 палёт шатла Дыскаверы з касманаўтамі Кенетам Рамінджэрам, Рыкам Хасбендам, Даніэлам Бэрым, расійскім касманаўтам Валерыем Такаровым, Эленай Очоа, канадскай касманаўткай Джуліяй Пайстэтэ і Тамарай Джэніган. Дыскаверы прызямліўся 6 чэрвеня.

29 мая Рудальф Шустэр перамог і ў другім туры прэзідэнцкіх выбараў у Славакіі.

1 чэрвеня ў катастрофе амерыканскага самалёта МД-82 , які пры пасадцы ў Літл-Рок выскачыў з аэрадрома і ўрэзаўся ў мост, згінула 10 пасажыраў і капітан самалёта.

1 чэрвеня Вазген Саркісян стаў прэм’ер-міністрам Арменіі.

10 чэрвеня Савет Бяспекі ААН прыняў рэзалюцыю 1244 аб заканчэнні вайны ў Косаве.

15 чэрвеня забаранілі ў Бельгіі прадаваць ,,Кока-Колу», бо выкрылі ў ёй многа хімікатаў.

15 чэрвеня ад землятрусу ў Мексіцы згінула 15 асоб.

20 чэрвеня НАТА змусіла Югаславію вывесці свае войска з Косава і Метохіі. Зрабілі з Косава незалежную ад Югаславіі дзяржаву і адразу ЗША ў 1999 годзе ўвялі ў Косава сваё войска і пачалі там ля горада Урошавац будаваць сваю ваенную базу, якую назвалі Кэмп-Бондстыл. Яе там трымаюць да сёння.

21 чэрвеня пачаліся ваенныя дзеянні ў Паўднёвай Сербіі між войскам Югаславіі а незаконнай,,Арміяй Вызвалення Прэшава, Медведжы і Буяноваца”.

Дзмітры Шатыловіч
Працяг будзе