З пушчы ў пустыню?

19 красавіка кааліцыя сямі няўрадавых арганізацый, якія займаюцца пытаннямі аховы прыроды, адправіла скаргу ў Еўрапейскую камісію. Тычыцца яна Белавежскай пушчы і рашэння міністра аховы асяроддзя наконт павелічэння высечкі дрэў і патраенне нарыхтоўкі драўніны на тэрыторыі Белавежскага надлясніцтва. 

Праінфармавала пра гэта прадстаўніца гэтых арганізацый Агата Шафранюк, юрыстка ClientEarth, на адмысловай прэс-канферэнцыі.

– Мы зрабілі ўсё магчымае, каб у справе абароны Белавежскай пушчы паразумецца ў Польшчы, без пасрэдніцтва міжнародных арганізацый, – тлумачыў на канферэнцыі дырэктар Грынпіс Польшча Роберт Цыгліцкі. – Сёння мы глядзім на законы Еўрапейскага Саюза.

Паводле аналізу арганізацый падпісаных пад скаргай у Брусель, рашэнне аб высечцы парушае Дырэктыву аб месцапражываннях. Як паказвала Шафранюк, дырэктыва была прынятая з мэтай абароны «гэтага каштоўнага прыроднага месца, якім з’яўляецца Белавежская пушча». Скарга

 

на дзвюх падставах

Скарга арганізацый апіраецца на двух абвінавачаннях. «Першае сцвярджае парушэнне артыкула 6, пункту 3 Дырэктывы аб месцапражываннях, у адпаведнасці з якім любое мерапрыемства, якое можа істотна ўплываць на той абшар Натуры 2000 патрабуе так званай асаблівай ацэнкі. Такая ацэнка дазволіла б вывучыць уплыў мерапрыемства на абшар – у дадзеным выпадку – месцаў рассялення лесу і відаў, якія жывуць у Белавежскай пушчы. Паводле падпісантаў, такая ацэнка для абшару Белавежскай пушчы не праводзілася. Падпісаўшыя скаргу арганізацыі таксама лічаць, што рашэнне міністра парушае запіс дырэктывы, у адпаведнасці з якой дзяржавы-члены не могуць прыводзіць да дзеянняў, якія могуць пагоршыць асяроддзе пражывання.

Скаргу ў Еўрапейскую камісіі падпісалі: ClientEarth, Дзікая Польшча, Greenmind, Грынпіс Польшча, WWF Польшча і Агальнапольскае таварыства па абароне птушак і Майстэрня дзеля ўсіх істот.

Прадстаўнік прэс-службы Міністэрства аховы асяроддзя Яцэк Кшамінскі адказаў: «Міністэрства аховы сяроддзя, калі атрымае сігнал ад Еўрапейскай камісіі па гэтай скарзе з просьбай даць адпаведныя тлумачэнні, тады выкажа сваю пазіцыю».

У той жа час арганізацыі звярнуліся да Еўрапейскай камісіі з просьбай аб «прымяніць так званыя часовыя меры дзеля забеспячэння прыпынення ўсіх работ, звязаных з высечкамі лесу, пакуль не будзе выказана пазіцыя Трыбуналу справядлівасці Еўрапейскага Саюза».

 

Зноў той яловы караед

У канцы сакавіка міністр аховы асяроддзя ўхваліў дадатак да Плана кіравання лесам (ПКЛ) для надлясніцтва Белавежа. Большую высечку леснікі тлумачаць змаганнем з масавым з’яўленнем караеда, які атакуе яліны. Дадатак мяркуе павелічэнне нарыхтоўкі драўніны да 188 тыс. кубаметраў за апошнія 10 гадоў (2012-2021). Папярэдні ПКЛ планаваў здабычу больш 63,4 тыс. кубаметраў драўніны на працягу 10 гадоў.

ЕК выказала сваю турботу рашэннем у справе высечкі. У адказ на просьбу польскіх СМІ, было перадана: «Еўрапейская камісія занепакоеная нядаўнім рашэннем польскіх уладаў аб павелічэнні высечкі ў Белавежскай пушчы ў кантэксце цэласнасці гэтага ўнікальнага абшару». Чыноўнікі з Бруселя ўжо раней звязаліся па гэтым пытанні з польскімі ўладамі, што падкрэслівалася: каб пераканацца, што прапанаваныя польскім урадам дзеянні адпаведныя з заканадаўствам ЕС. Еўрапейская камісія атрымала тлумачэнне ад Варшавы. «На аснове гэтых адказаў, Камісія прыме рашэнне аб далейшых кроках». Неафіцыйна, у Брусэлі прызнаюць, што тэарэтычна можна падаць у суд на Польшчу за парушэнні заканадаўства ЕС. Міністр пакуль не каментуе справу. Затое разварушыліся інтэрнаўты, якія раней з ахвотай досыць спрыяльна выказваліся на тэму дзеянняў экалагічных арганізацый, а зняважліва – да міністра, міністэрства, леснікоў і часткі жыхароў прыпушчанскіх мясовасцей. Пратэстуючы Грынпіс на даху Міністэрства аховы не баяўся: «У нас ёсць харчы, палаткі і высокі маральны дух».

Мох: Эколагі, ці жывяце ў полі пад палаткай, ці ў вялікіх гарадах? Такія вы, абаронцы навакольнага асяроддзя, за зламаны талер!

Ген?: Данос і і калабарацыя гэта нейкая новая лявацкая мода?

Люка: Чарговыя карысныя ідыёты ў руках немцаў і Пуціна.

Ваграк: Справа банальна простая: эколагі падтрымліваюць абарону караедаў, а міністр ахову лясоў.

Малады: Так як ПіСаўскія еўрадэпутаты маглі гадамі лётаць са скаргамі ў Брусэль, іншыя могуць таксама.

ЗОМО: У стаднінах добрая змена і коні паміраюць Цікава, што разваляць у пушчы?

Бле: Прырода заўсёды справіцца ў адзіночку. Самае горшае, гэта ўмяшанне чалавека. І часцей за ўсё гэта робіцца ў імя «выратавання прыроды»!

Пытаннейка: Ці ўжо сказалі, якое будзе «адступное» за адкліканне скаргі? То ёсць, я хацеў бы спытацца, колькі заробяць за гэтыя даследаванні, якіх няма і з якіх выйдзе, што Шышка прыняў правільнае рашэнне, і можна секчы яшчэ нават больш.

Эртры: Дамы і спадары. У справе Белавежскай пушчы павінны выказвацца спецылісты. Гэта важная справа, таму падтрымліваю, што дэбата павінна мець месца. Толькі што мы маем тут? Вось самаабвешчаная група абаронцаў Белавежскай пушчы (я сумняваюся, ці хоць адзін з іх паставіў нагу ў гэтым лясным комплексе), глухая на мерытарычныя абгрунтаванні – лозунг «пушча абароніцца сама» можна выкрыкваць, але яго мерытарычная каштоўнасць роўная нулю, – не маючы шанцаў на перамогу у дэбаце, вырашыла пайсці па маршруце пратаптаным Таргавіцай – ударыла са скаргай у Брусель. Я пастараўся праверыць, якaя кваліфікацыя за гэтымі людзьмі. І што знайшоў? Дамы і спадары, гэта куча дылетантаў, якія, верагодна, нават не ведаюць значэння слова экалогія, але добра ведаюць, што магчыма жыць добра з гэтага. Самі спрабуйце ацаніць: Роберт Цыгліцкі – па адукацыі бадай сацыёлаг. Кажуць, разбіраецца па фотагальванічных элементах – вось дырэктар польскай філіі Greenpeace. Звесткі аб кваліфікацыі гэтага спадара старанна схаваныя. Іх «праціўнік» праф. Ян Шышка, міністр аховы асяроддзя. У Вікіпедыі: Ян Фелікс Шышка (нар. 19 красавіка 1944 года ў Старой Мілоснай) – польскі ляснік, выкладчык, прафесар лясной палі­тыкі, 1997-1999 гг. міністр аховы асяроддзя, прыродных рэсурсаў і лясной гаспадаркі ва ўрадзе Ежы Бузка, у 2005-2007 гг. міністр аховы асяроддзя ва ўрадзе Казімежа Марцінкевіча і Яраслава Качынскага, з 2015 года міністр аховы асяроддзя ва ўрадзе Беаты Шыдла, член парламента V, VI, VII і VIII тэрмінаў. У 1966 годзе скончыў факультэт лясной гаспадаркі ВШСГ, у якой пасля прайшоў навуковыя ступені доктара і докрага габілітаванага навукі лясной гаспадаркі. У 2001 годзе атрымаў званне прафесара. У 1993-1994 гг. займаў пасаду дырэктара Управы Нацыянальных паркаў у Міністэрстве аховы асяроддзя, прыродных рэсурсаў і лясной гаспадаркі. Быў акадэмікам сельскагаспадарчага ўніверсітэта і дырэктарам дэпартамента ландшафтнай архітэктуры на факультэце садаводства і ландшафтнай архітэктуры, сузаснавальнік і дырэктар Лабараторыі ацэнкі прыродных рэсурсаў. Працаваў у Камітэце па экалогіі Польскай акадэміі навук. Таксама выкладае ў Школе медыя-культуры ў Торуні. З’яўляецца аўтарам больш за сто навуковых публікацый у галіне выкарыстання прыродных рэсурсаў і экалогіі. Ён заснаваў і кіруе прыватнай станцыяй навуковых даследаванняў для польскіх і замежных студэнтаў, у якой даследаванні праводзяцца па паляпшэнню стану здароўя лясоў і выкарыстання прыродных рэсурсаў для эканамічнага развіцця. Гэта адзін з заснавальнікаў і прэзідэнт Асацыяцыі па ўстойліваму развіццю Польшчы. Для нікога, хто думае лагічна, не дзіўна, што выступаючы ў гэтым канфлікце прафесар Шышка ведае, што кажа, і можна давяраць яму, спадзявацца на яго вопыт і веды, у той час як яго апаненты вывяргаюць з сябе банальнасці і добрыя пажаданні, у поўнай ізаляцыі ад фактаў і вопыту. Гэта мяне не здзіўляе, таму што, як ужо сказаў, Грынпіс і сябры ведаюць, што з «эка» добра можна жыць. У маім асабістым меркаванні, Greenpeace з’яўляецца экатэрарыстычнай арганізацыяй, і я ведаю, што многія людзі так думаюць. Гэта абуральна, што ідуць маршрутам пракладзеным Схетынай, Пэтру і кампаніі дзейнічаючай на шкоду Польшчы ў Бруселі. Яны скардзяцца еўрачыноўнікам, якія з’яўляюцца такімі ж дылетантамі ў лясной гаспадарцы як падпісанты скаргі. Гэта прыклад таго, як дзейнічаць супраць сваёй краіны ў імя захавання карыта.

Госць: Высечка елі інфіваканай караедам гэта не абарона. Драўніна з караедам непрыдатная для карыстання.

Госць: У абодвух выпадках, ідэя заключаецца ў тым, што дрэвы загінуць. І пытанне не ў тым, ці няправільна высякаецца лес, справа ў нячыстых намерах. Дрэвы адрастуць, вядома, але не пры маім ці вашым жыцці.

Ідыёту: Дрэвы павінны быць ўтылізаваныя, каб не заражвалі шкоднікам іншыя, каб не распаўсюджваўся караед.

Аля і Ас: Пакіньце пушчу самой сабе, бо ўсюды дзе чалавек умешваецца, там разбурае ўсё. Менавіта людзі насадзілі яліну, якая з’яўляецца ахвярай яловага кареда. Жука-караеда не было б, калі б не было елак. Лапы прэч ад пушчы, высечка дрэў не прывядзе да знікнення караеда. Умяшанне ў жыццё лесу непрымальнае, колькі ж разоў паўтараць тыя ж памылкі!

Уууу: Эколагі павінны грэцца пры вогнішчы, усюды хадзіць пешшу і спаць на саломе,  тады я палічу, што клопоцяцца яны аб навакольным асяроддзі

Рэзы: Абаронцы караедаў! Будзьце гатовыя, каб абараніць дрэвы і пушчу!

Абаронца: Хай пушча памірае. Абы натуральна. Белавежская пустыня таксама гучыць даволі прыгожа.

Птахар: Гэтыя «экатэрарысты» як дабраверныя Сведкі Іеговы, якія неаднаразова дазваляюць сваім блізкім памерці, не пагадзіўшыся з пераліваннем крыві ці ўжываннем крывіпадобных лекаў. Гэта секта. Вось і ўсё

Окі: Ужо нічога нельга ў сваёй уласнай краіне. А гэтая някранутая пушча складае ўсяго 20%, а астатняя облесеная чалавекам. Усе крычаць, крычаць, а не ведаюць дакладна, у якой справе.

Правіца польская: Я міністру неаднаразова тлумачыў, што трэба было выдаць загад аб санітарна-гігіенічных працэдурах у мэтах абароны Белавежскай пушчы, а не павялічваць высечкі ў рамках лясной гаспадаркі. Тады размова была б іншая, а так ён сам падставіўся  і даў падставу для нападаў і актыўнасці чырвона-зялёных.

Саж: Хопіць праверыць, хто фінансуе гэтыя «незалежныя» арганізацыі, і адказ будзе відавочным, чаму даносяць.

Роберт: Няробам мяшкі ў рукі і пагнаць іх прыбіраць у лясах, саджаць дрэвы, зімой падкармляць жывёл. Хто фінансуюе гэтых ба-ра-ноў!?.

Яна: Лес проста як чалавек, калі мы не клапоцімся пра здароўе, хутка будзе з нас руіна, а эколагі – гараджанчыкі, выкшалцюшкі, і аб усім г…о ведаюць.

Шамбо: У мяне ёсць простае пытанне: ці няма на іх параграфу? І ўсё.

Отус: Хай гэтыя арганізацыі эколагаў прадставяць фінансавую справаздачнасць, адкуль яны атрымалі грошы на сваю дзейнасць???

Зыбі: Відаць, не атрымалі дастатковай падтрымкі, як заўсёды, за свае пратэсты. Пушча гіне з-за шкодніка. Ад чыйго імя яны дзейнічаюць? Яшчэ і краіне шкодзяць на міжнароднай арэне. Сорам! А як пушча прападзе, што тады скажуць грамадству?

Ліс: Людзі, ці вы ведаеце, як эколагі справіліся з Лукашэнкам, бо да беларускай Белавежскай пушчы не маюць заўваг.

Натуральнасць: Сапраўды прыгожы план эколагаў – ператварыць Белавежскую пушчу ў Белавежскую пустыню.

Міхал: Караед атакуе таксама Татранскі нацыянальны парк, я быў тыдзень таму, і бачыў зламаныя высушаныя, пакрытыя  цвіллю дрэвы на польскім баку, таму што ў Славакіі ўжо даўно прыбралі. Хворых дрэў не ўратуеш,  трэба дапамагчы тым, якія можна яшчэ захаваць.

Сталкер: Гэта прыгожы міф: лес можа справіцца ў адзіночку. Ён ідзе ў вуха. На жаль, чалавек так глыбока паўплываў на экасістэму лесу, што не дасць ён рады адзін.

Бдудніца: Так званыя польскія эколагі, марнатраўнікі, якія жыруюць на Польскай Дзяржаве. Акрамя таго, яны аказваюцца здраднікамі. Лепш паадукаваліся б! Вядома, што пры трагічна нізкім узроўні грунтовых вод дрэвы слабеюць, а затым караед празмерна множыцца. Аналагічным чынам, у Бескідзе – там леснікі амаль справіліся з караедам. Яны высеклі  вялікія ўчасткі слабога лесу і адначасов пасадзілі змешаны лес, значна больш устойлівы да засухі і караеда.

Пушчалюб: 188 тысяч кубаметраў / 10 гадоў складае 18,8 тыс. кубаметраў у год. Пушча гэта тры надлясніцтвы. Выкажам здагадку, што адно надлясніцтва гэта каля 12 тысяч гектараў. Дзялю масу 18800 кубаметраў / 36000 га, атрымаем 0,52 кубаметр на гектар. Паколькі шмат дрэў у Пушчы мае масу значна большую чым 1 кубаметр, то лёгка зразумець, што гаворка ідзе пра адно дрэва на паверхні 100 х 100 метраў. Давайце не будзем сходзіць з розуму перад эколагамі. Яны спасылаюцца на вялікія лічбы, але хаваюць, што гаворка  пра яшчэ большыя плошчы лесу. Выдаленне аднаго дрэва не парушыць структуру пушчы і не прывядзе да яе смерці. А гэтае дрэва на чыюсьці галаву не зваліцца…

Бэка з экалё: Як можна адмаўляць сваю ўласную логіку? Калі сып яловага караеда з’яўляецца натуральным і не зжарэ ён усяе Пушчы, то пэўна няма ніякага парніковага эфекту. А калі ёсць парніковы эфект і ненатуральны сып таго ж караеда спусташае лясы халоднай Канады з-за пацяплення, то можа трэба падтрымаць гэтага брыдкага, злога як воўк з сінімі ікламі паскуду з ПіС, які стаіць у абароне лесу.

Нармалька: Экатэрарысты лётаюць па дапамогу да экалагічнага ЕС. Калі ласка, спытайце ў  еўрабюракратаў: а дзе вашы лясы і пушчы? Калі пакажуць нам, што маюць яны старэйшыя, дагледжаныя раёны дзікай прыроды лепшыя чым у нас, то можа прыслухаемся да іх парад, але мне здаецца, што дома яны ўсё разбурылі і забетанавалі, а цяпер хочуць нас навучаць.

Дзякую за ўвагу: Пасля таго, як ад маёй бабулі дастаўся мне ў 2011 годзе лес, ляснічы сказаў, што я павінен ссякчы 32 дрэвы (караед!). Я  не паслухаўся, і ў 2014 годзе мусіў іх выразаць 87.

Сьверк: Загнаць усю гэта мудрагелістую кампанію працаваць у лясной гаспадарцы. Гумавыя чобаты, плашчы ад кляшчоў – і ў лес! Вучыць, дзе бяроза, дзе хвоя, дзе дуб. Пакуль яны – вялікая «ліпа»..

Моніка: Палякі маюць найлепшых леснікоў у Еўропе. Польская лясная гаспадарка заўсёды была на самым высокім узроўні. Што можа ведаць аб гэтым еўрапейская бюракратыя, калі яны не адрозніваюць паміж рыбай і слімаком, а думаюць што морква гэта садавіна. Верагодна, пушча для іх – як поле кукурузы. І ці яны калі-небудзь бачылі гэтую пушчу? 3/4 дрэў памерла з-за караеда. Сама пушча не абароніцца, а калі не вывезуць хворых дрэў, то ў хуткім часе застануцца толькі пянькі.

Міраслаў Скепка: Усе гэтыя арганізацыі трэба разлічыць за падбухторванне да знішчэння Белавежскай пушчы. Што зараз можна ўбачыць у пушчы, кліча пра помсту з неба! Гэты генацыд лесу можна параўнаць толькі да генацыду габрэяў.

Міра Лукша